Қазақстан Әскери-теңіз күштерінің жаңа мина-тартқыш кораблінің экипажы Ресейде дайындықтан өтіп жатыр (ФОТО)
Қазір құрылған құрам, ол 15 әскери теңізші Санкт-Петербург қаласының Әскери-теңіз академиясының базасында шетел экипаждарын даярлау үшін Ресейдегі оқу-жаттығу орталығында тағылымдамадан өтуде. Әскери теңізшілер әртүрлі топтастырылудағы әскери корабльдердің, оның ішінде мина-тартқыштың тактикалық-техникалық сипаттамаларын, жауынгерлік арналуы мен қолданылуын біледі.
Алайда, жаңа корабльде теңізге шынайы шығу егжей-тегжейлі зерделеуді қажет етеді. Осы мақсатта даярлау орталығында экипаждарды жаттықтыруға арналған дәл оқу нобайы жаңадан құрылды. Бұдан бұрын хабарланғандай, жаңа мина-тартқыш кораблі Қазақстанның Әскери-теңіз күштеріне Санкт-Петербург қаласының Невск кеме құрастыру зауытынан келіп түседі.
Ол базалардың, кемежайлардың, кеме жолдары мен жаға маңының су айдындарын минаға қарсы қорғау үшін арналған. Кіріктірілген шағын габаритті навигация және тұрақтандыру жүйесімен, корабльді гидрометеорологиялық қамтамасыз ету кешенімен, спутниктік навигациялық жүйелерді қабылдау аппаратурасымен, жаһандық теңіз байланысы жүйесінің, радиотрансляция және бақылау аппаратурасымен жабдықталған.
Сонымен бірге, кеменің жаппай жою қаруынан қорғау қасиеттері, әмбебап су және магниттік қорғау жүйелері, химияға қарсы желдеткіші мен жарақтандыруда атысты автоматтандырылған басқару жүйесі бар АК-306 штаттық артиллериялық кешені, 12,7 мм оқшашары және тартқыш қару-жарағы бар.
