• Басты
  • Ақмола облысында «Балапан» бағдарламасы бойынша шағын орталық ашылды (ФОТО)

Ақмола облысында «Балапан» бағдарламасы бойынша шағын орталық ашылды (ФОТО)

23 Қыркүйек, 2015 09:46
Сандықтау ауданында Краснополянск орта мектебінің жанынан «Аққу» шағын орталығы ашылды, деп Ақмола облысы ішкі саясат басқармасы жанындағы «Ақмола Медиа Орталығы» хабарлайды.

Сандықтау ауданының Красная Поляна ауылында шағын орталық іске қосылды. Орталықтың ашылғанына ата-аналар дән риза, себебі балалары толық күндерін осы мекемеде өткізе алады. Шағын орталық мемлекеттік «Балапан» бағдарламасы арқылы ашылып отыр, жалпы құны 1 миллион теңгені құраған, қаражат республикалық бюджеттен бөлінген.

Аудан әкімі Асылбек Исмағамбетов пен білім бөлімінің басшысы Гүлмар Қадырова және құрметті қонақтар салтанатты түрде қызыл лентаны кесті.  

«Біз керемет шараның куәгерлеріміз. Осындай жан-жақты жағдай жасалған орталықта 40 бала білім алады. Ауданда барлығы мектеп жанынан ашылған 35 шағын-орталық жұмыс жасайды. Осыған дейін Смольное ауылында шағын орталық ашылды, сондай-ақ, Речное ауылында ашу жоспарлануда» - деді өз сөзіңде Асылбек Исмағамбетов.

 

 

 

Барлық жаңалықтар