Б.Сағынтаев: Фермерлердің өтінімі бойынша 60 млрд теңге көлеміндегі бюджеттік несие берілді
"Өздеріңіз білесіздер биыл елімізде көктемгі мезгілдің кешеуілдеп келуіне орай, егін егу науқаны да жылдағы кезеңмен сәйкес бастала қоймады. Осыған орай, біздің жиын-терім науқанымыз да әдеттегі мерзімде аяқталады дей алмаймыз. Алайда, ендігі үмітіміз ауа-райының оң қабақ танытуына байланысты болып тұр. Яғни, күз айларындағы әрбір күніміз неғұрлым жауын-шашынсыз, жаймашуақты болған сайын қамбамыз астыққа тола түсетіні сөзсіз, - деді Б.Сағынтаев.
Б.Сағынтаевтың айтуынша, қолайсыз ауа райы батыста, оңтүстік шығыста байқалды. Температура 40 °С дейін барды. Қорытындысында, бірқатар өңірде егіншіліктің жоғары өнімділігі төмендеуі мүмкін.
«Жинау науқанының қаржыландырылуы бойынша айтатын болсақ, 60 млрд теңгенің бюджеттік несиесі берілді», - деді ол.
