А. Мамытбеков: Аграрилер үшін 298 мың тонна дизельді отын әкелінді
22 Қыркүйек, 2015 18:59
2015 жылдың 18 қыркүйегіндегі жағдай бойынша ауыл шаруашылығы тауарын өндірушілер үшін күзгі егін жинау жұмыстарына 298 мың тонна дизельді отын немесе жоспарланған көлемнің 71% әкелінді, деп хабарлады ҚР ауыл шаруашылығы министрі Асылжан Мамытбеков.
«Теңге бағамы түзетілгенге дейін егін жинау науқаны үшін қоймалардың алдын ала дайындалуы және қажетті жанармайдын алынып қойылуына байланысты бұл өзгерістер астық жинау жұмысының барысына әсер етпейдi», - деді ол.
А. Мамытбековтың айтуынша, аймақтағы аграрилер үшін дизельді отынның литрі 81 теңгені құрады (орташа нарықтық бағасы ЖЖБ-да литріне 99 теңге), бұл нарықтық бағадан 18%-ға арзан.
