М. Мұханов: Қазақстан барлық жаһандық экономикалық өзгерістерге жедел жауап қайтаруда
22 Қыркүйек, 2015 17:32
Қазақстан барлық жаһандық экономикалық өзгерістерге жедел жауап қайтаруда, деп хабарлады «Экономикалық зерттеулер институты» АҚ президенті Мақсат Мұханов «Жаһандық жаңа экономикалық сын-қатерлер» атты дөңгелек үстел отырысында.
«Біз бүгін Қазақстанның барлық жаһандық экономикалық өзгерістерге жедел жауап қайтарып немесе қандай шаралар қабылдап жатқанын, жалпы жеделдігін көріп отырмыз», - деді сарапшы.
Оның айтуынша, бүгінгі жаңа экономикалық жағдай орташамерзімді сипатта болады. «Біз дамушы нарықтардан әлемдік капиталдын басым бөлігі кетіп жатқанын көріп отырмыз. Осы ретте капиталды дұрыс және тиімді басқару өте маңызды. Бірінші кезекте – ол ресурстарды, мемлекеттік инвестицияларды басқару болып табылады», - деп атап өтті М. Мұханов.
Айта өтейік, дөңгелек үстел ҚСЗИ мен ОКҚ бірлесіп өткізілді.
Индира Кауметова
