ИИДМБ: Атырау облысындағы химия зауытында өндірісті жаңғырту жүргізілуде
«Қиындықтарға қарамастан біздің зауыт мемлекет тарапынан қолдауға ие болды және өндірісті жаңғыртты», - деді «КасХим» ЖШС техникалық директоры Александр Перкин.
Айта өтейік, 2013 жылы компания 874 млн теңгені жылдық 14% сыйақымен несиеге алды, оның ішінде 7% мемлекет субсидиялауда. Қомақты қаражат полипропилен қаптарын өндіретін жаңа құралдарды сатып алуға бағытталды
Бүгінде тоқыма және тігін цехтарында 186 адам жұмыс істейді. Олардың басым бөлігінің біліктілігі жетілдірілді және енді олар заманауи технологияны оп-оңай игеріп отыр. Зауыт полипропилен қаптарын, жұмсақ тасымалдауға арналған контейнерлер, полипропилен матасын, ПЭ ұстамасы бар ламинатталған қаптарды өндіреді.
«Шикізатты Ресейден аламыз. Еуразиялық экономикалық одақ аясында оны сатып алу айтарлықтай жеңілдеді. Өнімнің жартысын доллармен және рубльмен сатамыз. Болашақта қосымша цех салуды және жұмысшылар санын 400-ге жеткізуді көздеп отырмыз», - деп атап өтті зауыт директоры Этибар Мамедов.
