22 Қыркүйек, 2015 15:03
ЭКСПО көрмесінің туы Астанаға қазанның соңында тапсырылады
ЭКСПО халықаралық көрмесінің туы Астанаға қазанның соңында салтанатты түрде тапсырылады, деді «Астана ЭКСПО-2017» ҰК маркетинг және жылжыту департаменті директорының орынбасары Айгүл Мүкей баспасөз конференциясында.
«31 қазан күні Миландық ЭКСПО-2015 аяқталады. Шарада көрменің туы салтанатты түрде Астанаға тапсырылады», - деді А.Мүкей.
Айта кетейік, ЭКСПО-2017 көрмесі Астанада «Болашақтың энергиясы» тақырыбында 10 маусымнан 10 қыркүйекке дейін өтеді.
Шараға 100 ел, 10 халықаралық ұйым, 10 инновациялық компания қатысады деп күтілеуде.
