«Жібек жолы» автошеруі Шанхайдан Астанаға жетті

Автошеру 8 тамызда Шанхайдан басталған бұл автошеру бес ел арқылы өтіп, сапарын 24 қазанда Миланда аяқтайды. Бұл шараның мақсаты - жаңа Жібек жолы бойында мәдени, экономикалық қарым-қатынастарды дамыту.

 «Біздің еліміз Шығыс пен Батыс мәдениетінің тоғысқан жерінде тұрды. Өркениеттің көпірі қызметін атқарды десек те болады. Заманауи қоғамды осы сынды шаралардың саны артып келеді, сондықтан да Елбасы Нұрсұлтан Назарбаев «Нұрлы жол» бағдарламасында Жібек жолын көліктік-логистикалық хаб құру арқылы дамытатынын атап өткен болатын.Осы орайда бұл ауқымды акция мәдениет пен туризмді дамытуға елеулі үлес қосады деп санаймыз», - деді ҚР Мәдениет және спорт министрлігі Спорт және дене шынықтыру істері комитетінің төрағасы Елсияр Қанағатов.

 Шанхай-ЭКСПО пунктінен Милан-ЭКСПО пунктіне дейін 16 мың шақырым қашықтықты еңсеру жоспарланып отырғандығын, Қазақстаннан кейін Ресейге бағыт алатындықтарын жеткізді. Олар Грузия, Түркия, Грекияның шекараларын асып өтеді. Халықаралық автошерудің құрамында 8 көлік қамтылған.