Б.Сапарбаев: Ақтөбе индустриалды аймағында сапалы кіреберіс жолдарын салу қажет
«Егер индустриалдық аймақ құрылатын болса, онда ол жұмыс істеуге тиіс. Кіреберіс жолдары сапалы болуы керек, өйткені жолдар – болашақ инвесторлар үшін өте маңызды. Мұнда өз бизнестерін орналастыруға ниет білдірген кәсіпкерлерден өтінімдер жинауды жалғастыру қажет»,- деп мәлімдеді облыс әкімі.
Ақтөбе рельс-арқалығы зауыты жайында айтқан Бердібек Сапарбаев өнімді шығару мерзімін нақтылауды, газ-поршенді электр стансаларында өндірілген артық жылуды индустриалдық аймақ немесе жылыжай қажеттілігіне жарату үшін ұтымды пайдалану керектігін тапсырды.
Өңір басшысы облыс орталығының көркін кетіріп тұрған құрылысы аяқталмаған нысандар мен пайдаланылмайтын жер учаскелеріне ерекше көңіл аударды. Қала басшылары жоғарыда объектілер иелеріне ескерту хат жіберу арқылы құқық қорғау органдарымен бірлесе отырып мәселені пысықтауды тапсырды.
