ИИДМБ: Қазақстанда құрылыс материалдарын өндіру саласында 2015 жылы 5 жоба пайдалануға беріледі

22 Қыркүйек, 2015 12:58

Қазақстанда құрылыс материалдарын өндіру саласында 2015 жылы 464 тұрақты жұмыс орнын қамтамасыз ететін 4,8 млрд теңгенің 5 жобасы пайдалануға беріледі, деді ҚР ИДМ Индустриялды даму және өндірістік қауіпсіздік комитетінің төрағасы Аманияз Ержанов Strategy2050.kz. АА берген сұхбатында.

«Құрылыс материалдарын өндіру саласында құрылыс болып жатқан алаңдарда, оның ішінде Мемлекет қаржыландыратын ( «Нұрлы жол» бағдарламасы, «Өңірлерді дамыту – 2020», «EXPO-2017» жобалары) нысандарда отандық материалдарды қолдану бойынша бақылау жұмыстары жүргізілуде», - деді А.Ержанов.

Комитет төрағасы атап өткендей, осы жылы құрылыс материалдарын өндіру саласында 464 тұрақты жұмыс орнын қамтамасыз ететін 4,8 млрд теңгенің 5 жобасы пайдалануға беріледі.

«Биыл Ақмола облысында темір бетон құбырларын өндіретін «Сапа су» ЖШС іске қосылады, оның қуаттылығы – жылына 63,8 мың метрді құрайды. Павлодар облысында пайдалануға берілетін «ЗЖБИ ТемiрТас Павлодар» ЖШС-нің қуаттылығы жылына 40 мың шаршы метр. Ал, Жамбыл облысында «АCIG» ЖШС, ОҚО-да «Зерде Керамик» ЖШС зауыты ашылады», - деді ол.

Айта кетерлігі, Индустрияландыру картасына енгізілген жобалардың жоспарлық қуаттылығы ұлғайтылып жатыр.

Анар Тәңірқұлова