Үкіметте 2016 жылға дейін Байқоңыр қаласын дамыту мәселелері қарастырылды
21 Қыркүйек, 2015 20:29
Үкімет Үйінде ҚР Премьер-Министрінің бірінші орынбасары Бақытжан Сағынтаев Байқоңыр қаласын дамыту мәселелері бойынша кеңес өткізді, деп хабарлады ҚР Премьер-Министрінің ресми сайты.
Келелі кеңеске Қызылорда облысының әкімі Қырымбек Көшербаев пен мемлекеттік органдардың өкілдері қатысты.
Қазақстан ғарыш саласын белсенді дамытып келеді және ғарыш бағдарламасын жүзеге асыруда. Қазақстан Президенті Н. Ә. Назарбаевтың арқасында қазақстандық үшінші ғарышкер ғарышқа үшінші рет ұшты.
Аталып өткендей, алқа мәжілісінде 2014-2016 жылдары Байқоңыр кешенін бірлесіп пайдалану жол картасын жүзеге асыру мәселесі талқыланды. Бұл құжат Байқоңыр ғарыш айлағы мен Байқоңыр қаласын одан ары дамыту мәселелерін қамтиды.
