СҚО-да апатты жағдайдағы мектептердің мәселесі шешілді
22 Қыркүйек, 2015 09:13
СҚО-ның Мәмлүт ауданында 300 орындық жаңа мектеп салтанатты түрде ашылды. Шараға облыс әкімі Ерік Сұлтанов қатысты, деп хабарлады облыс әкімдігінің баспасөз қызметі.
Елбасының «100 нақты қадам» Ұлт жоспарында басым саланың бірі білім беру болып саналады. Облыста балаларды оқыту мен дамыту үшін барлық жағдай жасалған.
«Өздеріңнің жолдарыңды табу үшін тынымсыз еңбек етіп, оқу қажет. Осы мектеп қабырғасынан білімді, дарынды, елін сүйетін азамат боп шығасыңдар», - деді Е.Сұлтанов.
Экскурсия барысында аймақ басшысы кабинеттерді, кітапханалар мен спорт залын аралап көрді. Мектепте 10 жаңа модификациялы кабинет бар, оның ішінде химия, физика, математика , биология сыныптары да бар.
