Астанада семіздікті хирургиялық жолмен емдеу бойынша жетекші шетелдік мамандардың қатысуымен шеберлік-сыныптары өтеді

Қазақ тамақтану академиясының 2012 жылғы зерттеуі бойынша, ҚР-да әйелдер арасында артық салмақтың таралуы 30,6% , еркектер арасында 36,8% құраған. Ал, орташа семіздік  әйелдерде  27,6%, еркектерде 15,9% көрсетті.

Медицина ғылымының докторы, профессор Орал Оспановтың айтуынша, семіздіктің барлық жерде жиі кездесуінің артуына байланысты елімізде семіздікті едəуір экономикалық ауыртпалығы бар эпидемиялық ауру ретінде сипатталуда. «Семіздік жүрек талмасы, миға қан шабу, қан қысымының көтерілуі, холецистит, артрит, панкреатит сияқты ауруларды қоздырады», - деді ол.  

Маманның айтуынша, бүгінгі таңда салмақты төмендетіп, асқазанды кішірейтетін бариатрикалық хирургия бүгінде медициналық және экономикалық тұрғыда жақсы нәтиже беруде.

Денсаулыққа зиян келтіретін семіздік белгілері бар пациенттерді   хирургиялық емдеу Қазақстандағы жаңа әрі дамымаған сала болып табылады. Бұл қазақстандықтардың шетелге баруына себепші болып отыр, болашақта бұл оталар барлық әлем бойынша жасалатын болады.

«Біз хирургтер ретінде семіздікке шалдыққандардың баршасына операция жасай алмайтындығымызды түсінеміз. Алайда, жүрек-қан тамыр аурулары, қант диабеті секілді дерттері пайда болатын науқастар бар. Салмақты төмендетіп, асқазанды кішірейтетін бариатрикалық хирургия бүгінде медициналық және экономикалы тұрғыда жақсы нәтижесін беруде. Мұндай операциядан кейін науқастар өздерін әлдеқайда жақсы сезінеді», - деді О.Оспанов. 

Индира Кауметова