ҚТЖ мен РТЖ жетекшілері көліктік-логистикалық саладағы дамуды талқылады
21 Қыркүйек, 2015 19:01
«ҚТЖ» ҰК» АҚ президенті Асқар Мамин «РТЖ» ААҚ жаңа басшысы Олег Белозеровпен кездесті.Кездесу барысында ҚТЖ мен РТЖ темір жол әкімшіліктерінің жетекшілері көліктік-логистикалық саладағы өзара тиімді серіктестікті одан әрі жалғастыру жайын талқылады, деп хабарлады ҚТЖ-нің баспасөз қызметі.
Оның ішінде, екі ел арасындағы жүк тасымалы көлемін ұлғайту, жалпы көлік дәлізі арқылы транзиттік тасымалды көбейту, Солтүстік-Оңтүстік жаңа көлік бағдарын Түркменстан арқылы Иранға жеткізу және Азия-Еуропа дәлізін дамыту жайын қарады.
Сондай-ақ, тараптар Бірлескен көліктік-логистикалық компаниясы (БКЛК) аясында серіктестіктің жұмысын жетілдіру туралы пікір алмасты.
