Қазақстанда бариатрикалық оталардың барлық түрлері жасалады

«Біз жаңа заманауи әлемде өмір сүреміз, онда физикалық белсенділік төмендеп, семіздік дертке айналған. Семіздікті алдын-алған жөн, себебі ол әлеуметтік қауіпті ауруларды тудырады, бірінші кезекте қант диабеті, жүрек аурулары мен онкология аурулары», - деп мәлімдеді сарапшы.

Оның айтуныша, жұмыс істеу қабілетінен айырылғандарға хирургиялық жолмен емделу  тығырықтан шығар жалғыз жол болады. Алайда ол мәселені түкпілікті шешпейді, себебі алдымен жастайынан бастап дұрыс тамақтануды қалыптастырған жөн.

«Бүгінде халқымыздың жартысы артық салмақ және семіздікке шалдыққан. Көптеген дамыған елдерде артық салмақтан арылу үшін ота жасату жағдайлары өте көп кездеседі. Науқастарымыздың басым бөлігі шет мемлекетке барады, бүгінгі медициналық туризмнің дамуын ескере отырып бұл жағдайға көндігіп отыра беруге болмайды, себебі отандық медицинамыз өте жоғары деңгейде дамыған», - деп түсіндірді ол. 

Сонымен, ДДҰ мәліметі бойынша, Қазақстанда халықтың 24,4% артық салмақ, семсіздікке шалдыққан.

«Өз бетімен арықтай алмайтындар бар, хирургиялық тәсілдің 85% және ота жасамай арықтау тәсілінің 5 % ғана тиімді болып есептеледі. Салмақты қалпына келтіру үшін адамның оған деген құлшынысы сол жолдағы мақсаты өте мықты болғаны дұрыс», - деп түсіндірді профессор. 

Индира Кауметова