Чили ЭКСПО-2017 көрмесіне қатысады
21 Қыркүйек, 2015 18:42
Латын Америка елдеріне сапары аясында «ЭКСПО – 2017» комиссары , сыртқы істер министрінің бірінші орынбасары Рәпіл Жошыбаев Чилидің сыртқы істер министрі Эрольдо Муньоспен кездесуі барысында Чилидің Астанада өтетін «ЭКСПО-2017» халықаралық мамандандырылған көрмесіне қатысатыны белгілі болды, деп хабарлады сыртқы саясат ведомствосы.
Айта өтейік, чилилік тараптан халықаралық көрмеге қатысуға жауапты Чили СІМ мен «PROCHILE» ұлттық корпорациясы жақын арада қазақстандық тарапқа ресми растауды жібереді.
Чилидің сыртқы істер ведомствосының басшысына Қазақстан Республикасы Президенті Нұрсұлтан Назарбаевтың Чили Президенті Мишель Бачелеттің атына тәуелсіздік күнімен құттықтау хаты мен ҚР Премьер-Министрі Кәрім Мәсімовтың хаты тапсырылды.
