Қостанайда жаңа мектеп ашылды

21 Қыркүйек, 2015 15:38

Қостанайда № 15 орта мектеп ашылды, деп хабарлады облыс әкімдігінің баспасөз қызметі.

Мемлекеттік тілде білім беретін мектептің ашылу рәсіміне облыс әкімі Архимед Мұхамбетов қатысты.

Аймақ басшысы атап өткендей, мектептің құрамына балабақша енген, білім беру кешені мен мектепке дейінгі білім беру мекемесінің қызметін бірге атқаратын мектептің маңызы зор.

Облыс әкімі айтқандай, Қостанай облысының оқушылары пәндік олимпиадалар мен байқауларда жоғары нәтиже көрсетіп жүреді.

«Облыстың олимпиадалық құрамасы жалпы білім беретін пәндер бойынша республиканың үздігі. Республикалық ғылыми сайыстардың қорытындысы бойынша оқушылар 2-ші орын алады», - деді А.Мұхамбетов.

Мектеп құрылысы 2014 жылдың мамырында басталған болатын, жобаның құны – 1,3 млрд теңге.

Осы жылы жаңа мектепте 1-9 жас аралығындағы 358 оқушы білім алады, 53 тәрбиеленуші мектепке дейінгі білім беруден өтеді.