ҚР-да 2019 жылы минералды тыңайтқыштар өндірісі 1,7 есе артады - ҚР ИДМ

21 Қыркүйек, 2015 13:38

Қазақстанда 2019 жылға дейін минералды тыңайтқыштар өндірісін 1,7 есе арттыру жсопарлануда, деп хабарлады ҚР ИДМ индустриалды даму және өндірістік қауіпсіздік комитетінің төрағасы Аманияз Ержанов ОКҚ-дағы баспасөз конференциясында.

«Инфляциялық таргеттеуге көшу химиялық сала экспорттаушыларына оң ықпал еттi. Айта кету керек, химиялық өнеркәсiп өндiрiсiнiң жалпы көлемiнiң 50%-ы осылардың үлесiнде. Алайда, бұл уақытша шара және қазақстандық өнiмнiң сыртқы экономикалық факторларға тәуелдiлiгiн есепке ала отырып, алдағы уақытта бiз химиялық шикiзатты қайта өңдеу деңгейiн тереңдету бойынша технологиялық шешiмдер және тәжрибесi бар трансұлттық компанияларды тарту жолымен өнiм желiсін кеңейту және қайта өңдеудi ұлғайту арқылы өнiмдi iшкi нарыққа қайта бейiмдеудi жоспарлап отырмыз», - деді А. Ержанов.

Осы ретте комитет басшысы атап өткендей, ведомство жаңа минералды нарықтарды іздестірумен айналысады және 2014 жылмен салыстырғанда минералды тыңайтқыштар өндiрiсiнiң көлемiн 2019 жылы 1,7 есеге ұлғайтуды жоспарлауда.

«Сонымен қатар Қытай мен Үндiстандағы стратегиялық серiктестермен бiрлескен жобалар құру арқылы минералдық тыңайтқыштарды сатудың жаңа нарықтарын iздестiру жұмыстары жүргiзiлетiн болады. Бүгінде бiз күрделi тыңайтқыштар өндiрiсi бойынша «Еурохим» ЖШС және калий тыңайтқыштарының өндiрiсi бойынша «Батыс-кали» ЖШС жүргiзiп жатқан жобалар арқылы саланың бәсекеге қабiлеттiлiгiн жаңа деңгейге шығару iсi пысықталуда. 2014 жылмен салыстырғанда минералды тыңайтқыштар өндiрiсiнiң көлемiн 2019 жылы 1,7 есеге ұлғайту жоспарланып отыр», - деді ол.

Анар Тәңірқұлова

Барлық жаңалықтар