Қазақстан мен Иран жүк және жолаушылар тасымалын заңды түрде реттеуге мүдделі

21 Қыркүйек, 2015 12:37

Қазіргі уақытта Иранмен су көлігімен жасалатын тасымалдарды реттеу бойынша келіссөздер жүргізіліп жатыр. Тиісті келісімге 2016 жылы қол қою көзделген. Бұл келісім Иранның порттарында Қазақстанның кемелеріне өздерінің көліктерімен тең жағдай жасауға мүмкіндік бермек, деді ҚР Инвестициялар және даму министрлігі көлік комитетінің төрағасы Әсет Асаубаев ҚР Парламент Сенатында.

«Қазіргі кезде Иран тарапымен су көлігімен тасымалдау мәселесін реттеу үшін жаңа келісім жобасын жібердік. Қазір оны Иран қарап жатыр. Біздің жоспарымыз бойынша, келер жылы екіжақты кездесулерді аяқтап, келісімді ратификациялау үшін оған қол қою көзделіп отыр», - деп хабарлады ҚР Инвестициялар және даму министрлігі көлік комитетінің төрағасы Әсет Асаубаев.

Оның сөзінше, бұл келісімнің негізінде екі ел арасында су көлігімен тасымал жасауға құқықтық негіз пайда болады.

«Қазіргі кезде де мұндай тасымал жүзеге асырылады. Келісімнің арқасында Иран порттарында біздің кемелерге Иранның көліктеріне жасалатын жағдай қамтамасыз етіледі. Яғни, қосымша ақы алынбау керек немесе кезекте тұрған кезде біздің кемелерге өздерінікімен тең жағдай жасалуы тиіс», - деді ол.

Анар Тәңірқұлова

Барлық жаңалықтар