ҚХА: «Ұлы дала елі» экспедициясы елдің басты құндылығы - Қазақстан халқының бірлігін айқындайды

21 Қыркүйек, 2015 15:03

«Ұлы дала елі» экспедициясының Семейдегі екінші күні барысында татар қоғамдық орталығымен танысу шаралары жүзеге асты, деп хабарлады ҚХА-ның баспасөз қызметі.

Мәдени орталықтың 25 жылдығымен ШҚО әкімінің орынбасары Ж.Омардың төрағалығымен келген делегация және ШҚО Ассамблеясы хатшылығының жетекшісі Е.Аязбаев татар ұлтын мерекемен құттықтады.

Орталықтың мерейлі мерекесіне Татарстаннан қонақтар шақырылды. Олар Татарстан Республикасының Президенті Р.Минниханованың атынан құттықтау айтып, этномәдени бірлестіктің белсенді қатысушыларына құрмет грамоталарын табыстады.

Мерекелеу аясында ғылыми-практикалық конференция өтті, татар орталығының жаңғыртылған экспозиция музейі мен шығармашылық және «Семей татарларының тарихы мен мәдениеті: өткені мен бүгіні» зерттеу жұмыстарының байқауы өтті. Өзінің ғылыми жұмыстарын 85-11 сынып оқушылары мен қаланың үздік колледж студенттері ұсынды.

Байқау ұйымдастырушыларының айтуынша, шараға қазақ, орыс, татар тілдерінде 35 жоба ұсынылды. Үздік туынды болып экономикалық лицейдің 9-сынып оқушысы Руслан Ахметшиннің «Ғасырлар бойы сақталу үшін салынған үйлер» жобасы танылды.

Айта кетейік, «Ұлы дала елі» экспедициясы Қазақ хандығының 550 жылдығын тойлау барысында 11 қыркүйек күні Астана, Ақтау, Павлодар облысында 3 бағыт бойынша басталған болатын. Шара Тараз қаласында 9 қазан күні аяқталады.

Барлық жаңалықтар