Қостанай облысына «Ұлы дала елі» экспедициясы келді
Мұнда делегаттарды қалыптасқан дәстүр бойынша «батамен» қарсы алды, ал қыздар болса шашу шашып, қонақтарға ұлттық сусын қымыз бен шәй берді.
Айта өтейік, Қостанай қаласына келген делегаттар үшін өте бай экскурсиялық бағдарлама ұйымдастырылды: қазақтың жазушысы Ахмет Байтұрсыновтың ескерткішіне гүл шоқтарын қою; облыстық тарихи-өлкетану мұражайын аралау, қазақтың ағартушысы Ыбырай Алтынсариннің кесенесіне тағзым ету.
Сонымен қатар, делегаттар жергілікті және республикалық БАҚ журналистерімен тілдесті, оларға экспедицияның маңызын жеткізіп, толғандырған сұрақтарына жауап берді.
Естеріңізге сала кетейік, экспедиция мүшелерінің қатарына Қостанай облысының өкілдері қосылады және олар төрт күн бойы торғай аймағындағы тарихи ескерткіштермен танысатын болады. Жангелді, Амангелді аудандары мен Арқалық қаласын аралып, Қарағанды облысының Ұлытау ауылына экспедиция эстафетасын тапсырады.
