ИИДМБ: ҚарМТУ «Металлургиядағы нанотехнология» мен «Робототехника» бағыттары бойынша 120 маманды дайындайды (ВИДЕО)

21 Қыркүйек, 2015 10:19

Қарағанды мемлекеттік техникалық университеті «Металлургиядағы нанотехнология» мен «Робототехника» бағыттары бойынша 120 маманды дайындайды, деп хабарлады Қазақстан Республикасы Қарағанды мемлекеттік техникалық университетінің ректоры Арыстан Ғазалиев «Strategy2050.kz» АА берген эксклюзивті сұхбатында.

«Металлургиядағы нанотехнология» мен «Робототехника» қаржыландырылатын екі бағдарлама бойынша Индустрияландыру картасына енген 16 өндірістік кәсіпорын келтірілген. Біз 120 маманды жинап жатырмыз, олар осы мамандықтары бойныша жұмысқа орналасатын болады», - деді ректор.

А. Ғазалиев атап өткендей, ағымдағы жылы байқау талаптары өте жоғары болды, бір орынға 3-4 үміткерден болды.

«Біз ең үздіктерін, ағылшын тілін білетін және жақсы дайындығы барларды іріктеп алдық. Аталмыш бағдарламалар бойынша алғашқы түлектер 1,5 жылдан кейін шығарылады», - деді ректор.

Бұдан басқа, А. Ғазалиев толықтырып кеткендей, университетке әлемнің жетекші оқу орындарынан мұғалімдер келетін болады және студенттерді аталмыш бағыттар бойынша оқытады.

«Бұл өте маңызды, осылайша біз әлемдік тәжірибені өзімізге енгізудеміз», - деп атап өтті ол.

Индира Кауметова