Жамбыл облысында халықаралық ауыл шаруашылығы жәрмеңкесі өтті
21 Қыркүйек, 2015 09:46
Таразда демалыс күндері Қырғызстан, Оңтүстік Қазақстан облысы, Қызылорда облыстарының ауыл шаруашылығы жәрмеңкесі өтті, деп хабарлады облыс әкімдігінің баспасөз қызметі.
Жәрмеңкенің ашылуына облыс әкімі Кәрім Көкрекбаев пен Қырғыз Республикасының ауыл шаруашылығы және мелиорация министрі Таалайбек Айдаралиев қатысты.
Ауыл шаруашылығы өндірушілерінің жәрмеңкесіне Қырғызстанның 7 облысы қатысты, ОҚО мен Қызылорда облысы 355 тонна өнім ұсынды.
Өткен жылдың 7 айы бойынша Жамбыл облысы мен Қырғызстан арасындағы тауар айналымы 6,6 пайызға өсіп, 136,2 млн долларды құрады. Оның 60,9 млн доллары – экспорт, импорт 75,3 млн долларды құрады.
