Мәжіліс депутаттары сенбілік кезінде 200-ден астам көшет отырғызды
19 Қыркүйек, 2015 15:29
Мәжіліс депутаттары мен Аппарат қызметкерлері «Біз таза қала үшін!» жалпықалалық сенбілікке қатысты, деп хабарлады Мәжілістің баспасөз қызметі.
Парламент өкілдері Астана қаласының сол жағалауында 200-ден астам ағаш отырғызды. Дәл осы ауданда бүгінгі күні «ЭКСПО-2017» халықаралық көрмесінің құрылыс жұмысы қарқынды жалғасуда.
Мәжіліс депутаттарының атап өткеніндей, бұл өте маңызды әрі қажетті акциялардың бірі. Өйткені, көгалдандыру қаланың, ауыл, ауданның әсемдігін арттырумен қатар, экологиялық жағдайды жақсартуға айрықша ықпал етеді.
