Алматыдағы күзгі жәрмеңкеде өнімнің 72 түрі ұсынылды
19 Қыркүйек, 2015 16:04
Алматы қаласының «Астана» алаңында Алматы облысы тауар өндірушілерінің күзгі ауылшаруашылық жәрмеңкесі өтті, деп хабарлады облыс әкімдігі.
Жәрмеңкеде Алматы облысының 16 ауданы мен 3 қаласының, сондай-ақ «Жетісу» әлеуметтік-кәсіпкерлік компаниясының тауарөндірушілері Алматы шаһарының тұрғындарына 280,3 тонна сапалы және экологиялық таза 70 өнім түрлерін нарық бағасынан төменгі бағада ұсынды.
Атап айтқанда: 54,6 тонна ет, 15,4 тонна балық, 25,5 тонна картоп, 76,0 тонна көкөніс, 29,0 тонна жеміс-жидек, 22,0 тонна сүт және сүт өнімдері сондай-ақ өзге де өнімдер. Жәрмеңкеде жалпы құны 115 512 мың теңгенің өнімі сатылды.
Естеріңізге сала кетсек, бұл жәрмеңкелер Алматы маңындағы азық-түлік белдеуін дамыту және халықты қолжетімді бағадағы отандық өнімдермен қамтамасыз ету мақсатында өткізілуде.
