Н.Қабижан: 2015-2016 жылдары пойыздарда қызмет көрсету үшін нормативті құқықтық негіз бекітіледі
18 Қыркүйек, 2015 18:07
2015-2016 жылдары комитет пойыздар мен вокзалдарда қызмет көрсету үшін нормативті құқықтық негізді жетілдіру бойынша жұмыстарды жүргізеді, деп хабарлады ҚР ИДМ Көлік комитеті Темір жол көлігі басқармасының басшысы Нұрбек Қабижан Астанада теміржол көлігін дамытуға арналған кеңесте.
«Жолаушылар тасымалы құрамының тозуы 70-тен 53 пайызға дейін төмендеді. Билеттерді электронды тәсілмен сату көлемі бес есеге өсті. Халықтың қажеттілігін қанағаттандыру үшін жолаушылар тасымалында қосымша 500 жаңа вагон сатып алынып, 10 жаңа жүрдек жолаушылар пойызы пайдалануға берілді», - деді сөз басында Н. Қабижан.
Сонымен қатар, ол қызмет сапасын қадағалау мақсатында жолаушыларға вокзалдар мен пойыздарда қызмет көрсетудің Ұлттық стандарты енгізілгенін атап өтті.
«2015-2016 жылдары ҚР ИДМ Көлік комитет пойыздар мен вокзалдарда қызмет көрсету үшін нормативті құқықтық негізді жетілдіру бойынша жұмыстарды жүргізеді», - деді Н.Қабижан.
Ботагөз Айтжанова
