Атбасарда Ілияс Есенберлиннің 100 жылдығына орай ескерткіші ашылды (ФОТО)

18 Қыркүйек, 2015 17:51

Атбасар қалдасында Ілияс Есенберлиннің ескерткішінің ашылу салтанаты өтті, деп хабарлады Ақмола облысы әкімдігі.

Ескерткіштің ашылу салтанатына Ақмола облысының әкімі С. Кулагин, орынбасары Н. Нүркенов, ҚР Парламентінің депутаттары, жазушының балалары мен немерелері, Атбасар ауданының әкімі А. Никишов және өзгеде зиялы қауым қатысты.

Айта кетерлік жайт, ескерткіш аудан тұрғындарының жинаған қаражаты (12 млн) мен І.Есенберлиннің туған туыстарының қаражатына (16 млн) қойылды.

Шара І.Есенберлиннің әдеби музейіндегі экспозицияның күрделі жөндеуден кейін таныстырылымына ұласты.

«Жөндеу жұмыстары облыстық бюджет қаражаты есебінен іске асырылды. Қайта құруға 40 млн теңге бөлінді, оның ішінде 26,1 млн теңге – күрделі жөндеуге, 14,3 млн теңге – сурет-әрлеу жұмыстарына қарастырылды», - делінген хабарламада.

Содан соң, «Ұлтжанды қаhарман қаламгер» атты республикалық конферанциясы өтті.

Салтанатты шара мерекелік концерттік бағдарламамен аяқталды.