Парашюттік орталықтың әскери қызметшілері түнгі десанттауы бар арнайы тапсырманы орындады (ФОТО)

18 Қыркүйек, 2015 20:07

Қазақстан Қарулы Күштері Парашюттік дайындық орталығының әскери қызметшілері арнайы мақсаттағы күштер топтарымен бірлесіп оқу-жауынгерлік операцияны орындады, деп хабарлады Қорғаныс министрлігінің баспасөз қызметі.

Парашюттік даярлық бойынша мамандар арнайы топтардың жауынгерлерінің десанттауы үшін алаңқай таңдады және әзірледі, 3 000 метр биіктіктен «Крыло» типіндегі парашюттік жүйелерде жасырын түнгі десанттауды жүргізді.

Берілген ауданға түсіргеннен кейін лазерлік көмескі жарық беру аспабының көмегімен әскери қызметшілер жерүсті нысаналар бойынша бомбалық соққыны жүзеге асыру үшін авиацияны келтіруді жүзеге асырды. Оқиға орнынан Парашюттік дайындық орталығының бастығы майор Леонид Дудкиннің айтуынша, десанттау сәтті орындалды.

Жеке құрам жерге қонғаннан кейін алаңқайды іріктеу, қоршап алу, оның ортасын және жарық диодты индекстеумен желдің бағытын белгілеу жүргізілді, ал содан кейін арнайы мақсаттағы күштердің топтарын қабылдап алу әзірлігі туралы командалық пунктке радиостанция арқылы белгі берілді. Операция бойы жауынгерлер үйлесімді, сауатты, жедел әрекет етті.

Дәл осы соңғы қорытындыда жоғары нәтижелерге қол жеткізуге және жалпы жауынгерлік тапсырманы атқаруға мүмкіндік берді.