Қазақстанда туристердің құқығын кепілдендіру мен қорғау жүйесін іске қосу жоспарлануда

«Туроператор банктегі осы депозитке белгілі бір сома салады. Егер келеңсіз жағдай бола қалса, шетелдегі туристер осы қаражат есебінен елге қайтарылады. Ал маусым аяқталғаннан кейін, туроператорлар депозиттегі ақшасын қайтарып алады. Заң қабылданса, ол жаңа жылдан бастап күшіне енеді», - деді Т.Дүйсенғалиев.

Сондай-ақ оның айтуынша, туристерімізді қорғау мақсатында арнайы депозит жүйесі енгізілмек.

«Бұл қордағы қаражат өтемақыға жұмсалады. Айталық, шетелдегі біздің туристердің қонақ үйі төленбеуі мүмкін», - деп толықтырды ҚР Инвестициялар және даму министрлігінің туризм индустриясы департаментінің директоры Тимур Дүйсенғалиев. 

 Өз кезегінде, Альберт Рау ұсынылған шаралардың ең тиімдісін таңдау керектігін айтып өтті.

«Туристерді қорғау бойынша қажетті іс-шаралар қолға алынбақ. Чартерлерге қатысты проблема жиі туындап жататынын білеміз. Биылғы маусым тыныш өткенімен, мұндай мәселе бар екенін жоққа шығара алмаймыз. Сондықтан сақтандыру қорын құру ұсынылып отыр. Оған 0,5 айлық есептік көрсеткіш мөлшерінде туристер төлем аударады. Үкімет мұны кім басқаратынын анықтайды, бірақ, оны бизнестің өзі, яғни туроператорлар басқарады», - дейді А.Рау.