• Басты
  • Энергетика министрлігі: Профицит бәсекелестікті ынталандырып, тарифтің тұрақталуына септігін тигізеді

Энергетика министрлігі: Профицит бәсекелестікті ынталандырып, тарифтің тұрақталуына септігін тигізеді

18 Қыркүйек, 2015 11:48
Профицит бәсекелестікті ынталандырып, тарифтің тұрақталуына септігін тигізеді .Бұл туралы бүгін ҚР Президенті жанындағы Орталық коммуникациялар қызметінің баспасөз мәслихатында ҚР Энергетика министрлігінің атомдық және энергетикалық қадағалау және бақылау комитетінің төрағасы Сұңғат Есімханов айтты.

«Қазіргі уақытта республикалық энергия жүйесі айтарлықтай жаңартылған және электр стансаларының қуаты шамамен 17 мыңМВт-ты құрайды. Ал еліміз оның 13,5-14 мың МВт-ын ғана пайдаланады. Энергияның профициті болған кезде тарифтердің көтерілуі мүмкін емес. Өйткені, профицит бәсекелестікті ынталандырып, тарифтің тұрақталуына септігін тигізеді», - деді С.Есімханов.

ҚР Энергетика министрлігінің атомдық және энергетикалық қадағалау және бақылау комитетінің төрағасы бірыңғай сатып алушыны енгізу туралы да айтып өтті.

 «Заңнамалық тұрғыда ол 2016 жылдан енгізіледі. Сондықтан да қауымдастықтың ұстанымы тарифтердің көтерілуіне әкеледі деген ақпарат біршама дұрыс емес. Біз мұны барлық деңгейде талқыладық. Сондықтан да, бұл тарифтің көтерілуін әкеледі деуге болмады. Өйткені, заңнамаға сәйкес шекті тарифтер белгіленетін болады және керісінше сауда-саттықты төмендетеді»,- деп түсіндірді ол.

Индира Қауметова

Барлық жаңалықтар