18 Қыркүйек, 2015 11:28
«KEGOС»: АҚ: Қазақстанда магистралды электр беру желісіндегі жөндеу жұмыстары аяқталуға жақын
Қазақстандық магистралды электр беру желісіндегі жөндеу жұмыстары аяқталуға жақын. Бұл туралы ҚР Президенті жанындағы ОКҚ-дағы брифингте «KEGOС» АҚ АҚ ұлттық диспетчерлік жүйелік орталығының директоры Ералы Шынасылов мәлімдеді.
«Жалпы, ұлттық электр жүйесі бойынша жөндеу жұмыстары кестеге сай жүзеге асуда. Қазақстандық магистралды электр беру желісіндегі жөндеу жұмыстары аяқталуға жақын», - деді ол.
Оның атап өтуінше, соңғы жылдары Орталық Азиядағы көрші елдердегі ахуал біршама қиын болып тұр. Дегенмен бұған қарамастан еліміздегі барлық электр стансалары кесте бойынша жұмыс істесе, ешқандай күрделі жайт туындамайды.
"Алдағы қыста Қазақстаның оңтүстігінен шамамен 3,5 мың МВт электр энергиясын өткізу жоспарланған. Ал ол үшін бұл өңірдегі электр стансалары шамамен 2 мың МВт электр энергиясын өндіруі қажет. Оның ішінде Жамбыл СЭС-і 650 МВт, Оңтүстік Қазақстандағы Энерго орталық-3 130 МВт электр энергиясын өндіруі тиіс", - деді ол.
Индира Кауметова
