Алматы облысында туристік-сауықтыру қызметінің көлемі 1151,6 млн теңгені құрады
«Алматы облысының табиғаты мен жер аумағы туризмнің барлық түрін дамытуға мүмкіндік береді. Үстіміздегі жылдың I-жартыжылдығындағы туристік-сауықтыру қызметін көрсету көлемі 1151,6 млн. теңге, бұл өткен жылдың сәйкес уақытымен салыстырғанда 1,7 есеге артық», - деді ол.
Облыс аумағындағы Алакөл және Балқаш көлдерінің жағалауын тиімді пайдалану мақсатында оларды дамытудың бас жоспары дайындалды. Онда электр жүйесі тартылуда. Алакөл ауданының Ақши ауылындағы демалыс базаларына автомобиль жолын салу және кәріз жүйесін жүргізу жоспары бар.
320 орынға арналған қонақ үй мен 500 адамға арналған демалыс аймағы құрылыстарының жобасы іске асырылуда. Сонымен қатар жаз мезгілінің басталуымен көлге қатынайтын жолаушылар тасымалдауға арналған теміржол бағыты ашылды.
«Оған жергілікті бюджеттен 63 млн. теңге бөлінді. Одан бөлек Үшарал қаласының әскери әуежайын азаматтық мақсаттағы ұшақтардың ұшып-қонуына пайдалану бойынша жұмыстар жүргізілуде. Қазіргі уақытта арнайы жер аумағы бөлініп, жобаның техника-экономикалық негіздемесі мен жобалық-сметалық құжаттамаларын дайындауға 25 млн. теңге қарастырылды, - деп атап өтті.
