ЕЭК ЕАЭО-ға мүше мемлекеттердің аумағына жеке автомашиналарды кіргізу шартын жеңілдетеді
18 Қыркүйек, 2015 09:13
19 қыркүйекте автокөлік иелерінің Еуразиялық экономикалық одақ мемлекеттерінің аумағында болу шартын жеңілдететін ЕАЭО Коллегиясының «Жеке пайдалану үшін көлік құралдарын уақытша кіргізу туралы» шешімі күшіне енеді, деп хабарлады комиссияның баспасөз қызметі.
Бұған дейін көлікті уақытша кіргізудің мерзімі 3 ай болатын және автокөлік иесі мерзім аяқталғаннан кейін автомобильді алып кетпесе ол үшін оның құнына байланысты кедендік баж салығы мен салық төлеуге міндетті болатын.
Бұдан басқа автомобиль декларацияланған мемлекеттің заңнамасына сәйкес әкімшілік жауапкершілік қарастырылған.
«ЕЭК Коллегиясының 2015 жылғы 18 тамызындағы кедендік органдардың машинаны алғаш кіргізу мерзімін міндетті түрде 3 айға бекіту туралы шешімі жойылды», - делінген хабарламада.
Мұндай шешім Одақ елдерінің аумағынан шығарылған көліктерге де қатысты болады: егер шығарылса онда төлеудің қажеті жоқ.
