Мерейлі отбасы: Қанатбаевтар әулеті еліміз үшін 50 жыл бойы мұнай өндіріп келеді

Жеңіс Ержанұлы мен  Маржан Дәулетқызы 8-шы сыныптан кейін жұмысқа барған кәсіпорында танысқан. 1963 жылы отау құрған жастардың жұптары содан бері жазылмапты, тату-тәтті өмір сүрген ерлі-зайыпты бірге жұмыс істеп, бала өсіріп келген.

Отағасы Қанатбаев Жеңіс Ержан ұлының еңбек кітапшасында 1960 жылы жазылған жалғыз жазба ғана бар екен. Содан бері жарты ғасырдан астам уақыт «Доссормұнаймаш» мұнай кәсіпорнында жұмыс істеп келген.  Өзінің еңбекқорлығымен талай биік белестерді де бағындырып үлгерген.  Бүгінде «Құрмет» орденінің кавалері, Доссор ауылы мен Мақат ауданының Құрметті азаматы. Сонымен қатар, Жеңіс Қанатбаев «Доссормунайгаз» кәсіпорны ардагерлерінің төрағасы.

Жұбайы Маржан оған екі ұл мен төрт қыз сыйлаған. Балалардың үшеуі әке жолын қуып мұнай өндіру саласында еңбек етіп келеді. Қыздардың біреуі кәсіпкер болса, тағы бір қызы  «Қазақстан темір жолы»ҰК» АҚ Атыраулық филиалының Мақат станциясынла қауіпсіздік инженері болып жұмыс істейді. Қанатбаетар отбасында 13 немере мен 1 шөбере бар.

Анар Тәңірқұлова