Нұрлы жол: ҚР-да қайта өңдеу саласына қолдау көрсету үшін 1015 несие берілді

17 Қыркүйек, 2015 13:46

2014 жылдан бастап «Нұрлы жол» аясында қайта өңдеу саласына қолдау көрсету бағдарламасы жүзеге асырылып келеді. Бүгінге дейін жалпы сомасы 184 млрд теңге болатын 1015 несие берілді, деп хабарлады «Даму» кәсіпкерлікті дамыту қоры» АҚ Астана қаласы бойынша аймақтық филиалының директоры Исламбек Қайырбеков мемлекеттік қолдауға ие болған кәсіпорындар бойынша жүрналистер үшін баспасөз турында.

«Өткен жылдан бастап «Нұрлы жол» аясында қайта өңдеу саласына қолдау көрсету бағдарламасы жүзеге асырылып келеді. Қазақстанда 6% жылдық үстемақымен жалпы сомасы 184 млрд теңге болатын 1015 несие берілді. Ал, Астанада 97 займшыға жалпы сомасы 27 млрд теңге несиеге бірілді», - деді И. Қайырбеков.

Оның айтуынша, БЖК-2020 бағдарламасы бойынша жобалар табысты жүзеге асырылуда.

«Жыл өткен сайын аталмыш бағдарламаны іске асыру үшін көбірек қаржы бөлінуде. Биылғы жылы Астана бойынша 2,7 млрд теңге субсидияланды. Бүгінде бұл қаржының шамамен 2 млрд игерілген. Жыл соңына дейін қалған сомасыда игеріледі. Ал, жаңа кәсіпкерлер үшін Астана бойынша тағы да 250 млн теңге бөлінеді», - деп хабарлады И. Қайырбеков.

Сонымен қатар, ол хабарлағандай, көбірек қаржы бөлінетін сала қайта өңдеу саласы, оған қаражаттың 40%-ға жуығы жұмсалады, Астана бойынша екінші сала көлік және қаттап тастау.

«Жыл сайын жүзеге асырылып жатқан жобаларға мониторинг жүргізіледі», - деп түйді И. Қайырбеков.

Ботагөз Айтжанова