«Жауынгерлік достастық-2015» ӘШҚҚ әскерлері зенит-зымырандық кешендерінен іске қосуды орындады (ФОТО)

17 Қыркүйек, 2015 15:03

Қарағанды облысындағы «Сарышаған» полигонында «Жауынгерлік достастық-2015» жауынгерлік атысы бар ТМД әуе шабуылына қарсы қорғаныс әскерлерінің бірлескен оқу-жаттығуының кезекті кезеңі басталды, деп хабарлады Қорғаныс министрлігінің баспасөз қызметі.

Әуе шабуылына қарсы қорғаныс әскерлерінің жауынгерлік есептоптары әуе нысаналары бойынша С-75, С-125, Круг және Куб зенит-зымырандық кешендерінен іске қосуды орындады, сондай-ақ әуе қарсыласын алдын ала анықтау мәселелерін пысықтады.

Оқу-жаттығудың мақсаты әуе шептерін қорғау жөнінде Әуе қорғанысы күштерінің экипаждары мен жауынгерлік есептоптарының дағдыларын жетілдіру, сонымен қатар жауынгерлік кезекшілікті бірлесіп атқару кезінде ТМД ӘШҚҚ күштері мен құралдарының өзара іс-қимылын пысықтау болып табылады. Жауынгерлік оқ ату барысында есептоптар мен экипаждар кәсіби шеберлік деңгейін арттыра отырып, практикалық машықты жетілдірді, барлық нысаналар сәтті жойылды.

Батарея командирі капитан Марат Сәбитовтің есептобы жақсы жағынан көрінді. Оқу-жаттығу жоспарына сәйкес ӘҚК әскери-әуе күштері әскери бөлімдерінің ұшу құрамы жерүсті және әуе нысаналары бойынша жоғары дәл қаруды қолдана отырып, практикалық оқ атуларды орындайтынын айта кеткен жөн.

Маңдайшептік авиация зымырандарының іске қосылуы әуе оқ атуларының нақты белгілі бір ауданында жүргізіледі. Ұшқыштардың әрқайсысына шартты қарсыластың нысанасын айқындап, оны жою қажет. Майдандық авиация күндізгі және түнгі жағдайларда әуе нысаналары бойынша жұмыс істейді. Жауынгерлік оқ атуларды ұшқыштар жеке дара және жұп құрамында орындайды. Әуе нысаналары ретінде жарқырағыш авиациялық бомбалар пайдаланылады.

Барлық жаңалықтар