Жамбыл облысында жыл басынан бері 665 орынға есептелген үш балабақша ашылды
Осындай білім беру мекемелерінің бірі - Тараз қаласындағы «Ақүрпек» балалар шағын орталығы, ол мемлекеттің қолдауымен ашылды, онда 105 баланы тәрбиелеп отырған 5 топ жұмыс істейді. Шағын орталыққа 1 мен 6 жас аралығындағы бүлдіршіндер қабылданады.
Балабақша бүлдіршіндерді дамыту үшін қажетті құралдардың барлығымен қамтылған. Әр топта ойын бөлмелері, асхана, оқу сыныптары және баршасына ортақ бір бассейн бар. Ұжымда 26 адам жұмыс істейді. Ата аналар олардың қарауына балаларын таңертеңгі сағат 9-дан 18.00-ге дейін тастап кете алады.
«Барлық пәндер бізде мемлекеттік стандарт бойынша оқытылады. Білім беру үш тілде жүргізіледі. Өткен жылы біз 14 пайыздық үстемақымен 15 млн теңгені несиеге алдық. Оның ішінде 7 пайызы «Даму» қорының аймақтық филиалымен субсидияланады. Бүгінде берешектің басым бөлігін өтеп үлгердік. Жобаның жалпы құны 22,9 млн теңге», - деді балабақша директоры Елнұр Құрманалиева.
