Мәжіліс депутаттары құқыққорғау органдарының қызметі туралы енген өзгертулерді мақұлдады

16 Қыркүйек, 2015 19:32

Мәжілістің жалпы отырысында депутаттар «Қазақстан халқы Ассамблеясы туралы» Қазақстан Республикасының заңына өзгерістер мен толықтырулар енгізу туралы» заң жобасын мақұлдады, деп хабарлады Мәжілістің баспасөз қызметі.

Заң жобасы Мемлекет басшысының «Нұр Отан» партиясының XVI съезінде және Қазақстан халқы Ассамблеясының XXII сессиясында берген тапсырмаларын іске асыру мақсатында әзірленді.

Мәжіліс депутаттары мемлекеттік қызметтер көрсету, индустриялық-инновациялық саясат, оңалту және банкроттық, мәдениет және тарихи-мәдени мұра туралы заң жобаларына түзетулерді бірінші оқылымда, құқық қорғау органдарының қызметін және құқық қорғау қызметін өткеру тәртібін жетілдіру, сонымен қатар, «Қазақстан халқы Ассамблеясы туралы» Заңға түзетулерді тұтастай мақұлдады.

Осы міндеттерді іске асыру үшін елдегі қоғамдық-саяси тұрақтылық және этносаралық қатынастар саласында қолданыстағы заңнаманы жетілдіру ұсынылды.

Осыған байланысты «Қазақстан халқы Ассамблеясы туралы» заңға Ассамблеяның институционалдық рөлін күшейтетін, қазақстандықтардың қоғамдық келісімі мен ұлттық бірлігін нығайту үшін жағдайлар жасайтын, «Мәңгілік Ел» жалпыұлттық патриоттық идеясының негізінде бүкіл қазақстандық азаматтық бірегейлікті және бәсекеге қабілетті ұлтты қалыптастыруға ықпал ететін өзгерістер мен толықтырулар енгізіліп отыр.

Барлық жаңалықтар