«Bala Turkvizyon» кастингіне екі мыңға жуық бала қатысты

16 Қыркүйек, 2015 15:21

Қазақстан бойынша іріктеуге қатысқан 1987 баланың 20-сы «Bala Turkvizyon» байқауының финалына өтті, деді ОКҚ-да өткен баспасөз конференциясында Әлия Назарбаева Қорының төрағасы Мұрат Исаханов.

«Біздің байқау 8 маусымнан бастап Қазақстанның барлық өңірлерінде өтті. Ең бірінші іріктеу ұйымдастырылған аймақ Шығыс Қазақстан облысының Өскемен қаласы болды. Кастингке 1987 бала қатысты. Өңірлік іріктеудің қорытындысы бойынша 20 бала жеңімпаз атанды», - деді М.Исаханов.

«ADAM Media Group» бас директоры, продюсер Динара Адамның айтуынша, 19 қыркүйек күні дауыс беру басталады.

«Бірінші күні 16 өңірді таныстыратын 16 бала ән айтады. Балаларды дайындаған 16 маман дауыс беретін болады. Ал, дауыс берудің 50 пайызы көрермендерге тиесілі. Дауыс беру талаптарының бірі, бір ұялы телефон арқылы тек бір адамға ғана дауыс беріледі. 20 қыркүйектен бастап қазылар алқасы жұмысқа кіріседі. Ақтық мәреге 8 өңір өтеді», - деді продюсер.

Айта кетейік, 30 мамырда Қазақстанда түркі тілдес елдер арасында тұңғыш рет халықаралық «Bala Turkvizyon» балалар арасындағы ән байқауы өз жұмысын бастады. Шараны ұйымдастырған ҚР Тұңғыш Президенті Қорының қолдауымен Әлия Назарбаеваның Қоры. 19 қыркүйек күні финалситер гала-концертке қатысатын болады.

Барлық жаңалықтар