Сочидегі көрмеде СҚО инвестиция тартуды көздейді

16 Қыркүйек, 2015 15:17

Аталмыш форум екі елдің өңірлері арасындағы ынтымақтастықтың дамуына жаңа серпін береді, сондай-ақ, инвестиция мен инновация тартады,деді XII Ресей мен Қазақстанның аймақаралық ынтымақтастығы форумында Солтүстік Қазақстан облысының әкімі Ерік Сұлтанов.

СҚО әкімінің айтуынша, осы жылы Ресейге шығатын экспорт көлемі өткен жылғыға қарағанда өсуі мүмкін.

«Қазақстан мен Ресей ынтымақтастығының форумы Мемлекет басшыларының бастамасымен 2003 жылдан бері өтіп келеді. Ол өзінің пікірталас алаңы ретіндегі тиімділігі мен маңыздылығын дәлелдеді. Біз шарада пікір алмасып, тәжірибемізбен бөлісеміз. Форумның мақсаты - ауыл шаруашылығын дамыту мен өндірістік қауіпсіздік»,- Е.Сұлтанов.

СҚО әкімі атап өткендей, Солтүстік Қазақстан облысы Қазақстандағы астықтың үштен бірін, 500 мың май дақылдарын өндіреді. 150 кәсіпорын ауыл шаруашылығын өндеу саласында жұмыс істейді.

«Біз сапалы ет өнімдерін өндіреміз. Осы форумға қатысу арқылы біздің кәсіпорындар Ресей нарығына шығу мүмкіндігіне ие болып отыр.

Осы жылы біз өткен жылдың көрсеткішін арттырсақ деп отырмыз. Аталмыш форум екі ел өңірлері арасындағы дамуға жаңа серпін береді», - деді Е.Сұлтанов.