Бразилия ЭКСПО-2017 көрмесіне қатысады

Бразилиада Р.Жошыбаев Бразилияның сыртқы істер, туризм, энергетика мен минералды ресурстар министрліктерінің басшылығы, Бразиялияның ЭКСПО-ға қатысуын ұйымдастыратын органы және жетекші туристік агенттіктерімен  келіссөздер өткізді.

«Қазақстан мен Бразилияны  достық және серіктестік қарым-қатынас байланыстырады», - деді Бразилияның сыртқы істер вице-министрі Хадил до Роча Вианна.

Тараптар екі елдің әр түрлі саладағы ынтымақтастығының келешегін талқылады. Сондай-ақ, ЭКСПО-2017 көрмесіне қатысу және Қазақстан кандидатурасын 2017-2018 жылдары БҰҰ Қауіпсіздік кеңесінің тұрақты емес мүшелігіне қолдау мәселелері қарастырылды.

Бразилияның СІМ атынан Х.Вианна Бразилияның ЭКСПО-2017-ге қатысатындығын айтты, себебі «Болашақ энергеиясы» саласында  елдің әлемге  таныстыратын жаңалығы бар.

ЭКСПО-2017 комиссары атап өткендей, Бразилияның ЭКСПО көрмесіне қатысуы екіжақты байланысқа серпін береді.

Кездесуде туризм министрінің міндетін атқарушы Альберто Алвеспен  бірлескен жобалардың жүзеге асырылуы және Қазақстан мен Бразилияның туристік әлеуетін арттыру мәселелері талқыланды. Сондай-ақ, «Астана ЭКСПО-2017» ҰК» АҚ мен Бразилияның туроператорлар қауымдастығы арасында екі елді қосатын  тікелей әуе қатынасын ашу бойынша меморандум түзу мүмкіндігі тілге тиек етілді.