Мемлекет басшысы Н.Назарбаев пен Қазақстан жаһандық қауіпсіздік саласында әлемге үлгі болды – шетелдік сарапшы

ҚР СІМ хабарлағандай, шарада аталмыш саладағы америкалық жетекші ұйымдардың өкілдері мен беделді саясаткерлері сөз сөйледі. Сонымен қатар, шараға  Ақ үйдің лауазымды тұлғалары мен АҚШ-тың «Вашингтон пост», «Форин полиси» мен «Ұлттық қоғамдық радио» сынды беделді БАҚ журналистері қатысты.  

«Мемлекет басшысы Н.Назарбаев пен Қазақстан  жаһандық қауіпсіздік саласында әлемге үлгі болды және оны өз аумағында төмен байытылған уран банкін құру арқылы жалғастыруда», – деп мәлімдеді сенатор С. Нанн. «Мен Қазақстан Үкіметіне банкты орналастырғаны үшін және халқының әлемдік ядролық тәуекелдерді азайтудағы көшбасшылығына шексіз ризамын, алғысым зор», – деп толықтырды америкалық саясаткер.  

С. Нанн баса айтқандай, қазақстандық көшбасшының бейбітшілікті орнату, ядролық қарудан бастарту саласындағы халықаралық беделін  күллі әлем мойындап отыр.