Қостанай облысының делегациясы XII өңіраралық ынтымақтастық форумына қатысады

Облыс әкімдігінен хабарлағандай, делегацияны аймақ басшысы Архимед Мұхамбетов басқаратын болды.

Айта кетейік, форумның негізгі тақырыбы – агроөнеркәсіп кешені саласындағы ынтымақтастық және азық-түлік қауіпсіздігін қамтамасыз ету болып табылады. Шараға 60 қазақстандық тауар өндірушілер қатысатын болады. Қостанай облысынан  «Баян-Сұлу»АҚ, «Қостанай Ұнкомбинаты» АҚ, «Милх» ЖШС қатысады, олар өздерінің 100-ге жуық өнім түрлерін ұсынбақшы.

«Аталмыш форум аясында Челябі облысындағы «Чурилово»  агрокешені мен «Тобол» ӘКК арасында «Қостанай облысында жылыжай кешенін салу туралы»  бірлескен жобаны жүзеге асыру Меморандумына  қол қою жоспарлануда», - делінген хабарламада.

Бұдан басқа, Қостанай облысы әкімінің Свердловск облысы губернаторымен кездесуі жоспарланған.