Астанада бөлшек сауда тауар айналымы 3,7%-ға артты – ҚР ҰЭМ

16 Қыркүйек, 2015 10:04

Астанада 2015 жылғы қаңтар-тамызда бөлшек сауда тауар айналымының жалпы көлемі барлық өткізу арналары бойынша нақты бағамен 413791,7 млн. теңгені құрады, деп хабарлады ҚР ҰЭМ Статистика комитеті.

Хабарламада айтылғандай, зат, аралас және азық-түлік тауарлары базарларының, сондай-ақ дара кәсіпкерлік қызметпен шұғылданатын жеке тұлғалардың 2015 жылғы қаңтар-тамыздағы сауда айналымы 119124,1 млн. теңгені құрады, бұл салыстырмалы бағамен өткен жылғы сәйкес кезеңнен 4,1%-ға төмен.

2015 жылғы қаңтар-тамызда ресми тіркелген кәсіпорындардың бөлшек сауда тауар айналымының көлемі 294667,6 млн. теңгені құрады, бұл 2014 жылғы сәйкес кезеңдегі деңгейден салыстырмалы бағамен 7,2%-ға жоғары.

Ал, көтерме сауда желісі арқылы 2015 жылғы қаңтар-тамызда 1790224,4 млн. теңге сомасына тұтыну тауарлары мен өндірістік-техникалық бағыттағы өнімдер сатылды, бұл өткен жылғы сәйкес кезеңдегі көлемнен 7,9 %-ға жоғары.

Айта өтейік, қоғамдық тамақтандыру қызметі 20131,2 млн. теңге сомасына көрсетілді, бұл 2014 жылғы сәйкес кезеңдегі деңгейден 7,6%-ға жоғары.

Автомобильдерге, мотоциклдерге техникалық қызмет көрсету және жөндеу бойынша қызмет көрсету көлемі 3502 млн. теңгені құрады, бұл 2014 жылғы сәйкес кезең деңгейінен 2,2%-ға жоғары.

Барлық жаңалықтар