Мемлекет өнеркәсіптік кәсіпорындар қызметкерлерінің жалақысын субсидиялауы мүмкін – ҚР ДСӘДМ
15 Қыркүйек, 2015 17:43
«Жұмыспен қамтудың жол картасы» бағдарламасы аясында мемлекеттің өнеркәсіптік кәсіпорындар қызметкерлерінің жалақысын субсидиялауы қарастырылған, деді бүгін брифинг барысында ДСӘДМ «Жұмыспен қамту мәселелері бойынша ақпараттық-талдамалық орталығы» АҚ президенті Дәулет Арғандықов.
«Жұмыспен қамту картасы бағдарламасына өзгертулер енгізілді. Қысқартылып кететін жалақылардың шығынын уақытша субсидиялау қарастырылған. Бұл тек өнеркәсіптік кәсіпорындар мен білікті мамандарға ғана байланысты», - деді Д.Арғандықов.
Орталық басшысының айтуынша, енгізіліп отырған шараның негізгі мақсаты – қызметкер кірісінің сақталуы, салық бөлімінің берілуі.
«Екінші – егер білікті маман жұмыстан шығып кетсе, ертең ол өз біліктілігін жоғалтуы мүмкін. Ол аталмыш кәсіпорынға да маманға да шығынды», - деді ол.
Сондай-ақ, аталмыш бағдарлама аясында жастар үшін оқыту қарастырылған, соған қарамай, оның жұмыс орны сақталатын болады.
