Б.Сұлтанов: Республикалық бюджеттің шығыны 2016 жылы 7 трлн теңгені құрайды
15 Қыркүйек, 2015 17:29
Республикалық бюджеттің шығыны 2016 жылы 7 трлн 318,9 млрд теңгені құрайды, деді ҚР қаржы министрі Бахыт Сұлтанов Мәжіліс отырысында.
«Бюджет жобасына сәйкес, республикалық бюджет шығысы 2016 жылы 7 трлн 319 млрд теңгені құрамақ. Ал 2017 жылы бюджет шығысы 7 трлн 731 млрд, 2018 жылы 7 трлн 457 млрд теңге көлемінде айқындалған», - деді Б.Сұлтанов.
Оның айтуынша, жоспарлау қатаң шектеулер мен Елбасының экономикалық саясат шараларының жүйесі бойынша бюджетті тиімдеу аясында жүзеге асты.
«Үкіметке қойылған осы сынды тапсырмалардың бірі 2018 жылдың соңына дейін штаттық санның кеңеюіне мораторий жүргізу болып табылады. Сондай-ақ, мемлекеттік бюджеттен бөлінген қаржы жаңа жобаларды жүзеге асыруға бағытталады. 2016 жылдың қаржылық мүмкіндіктері 2015-2017 жылдардың үшжылдық жоспары бойынша 850 млрд теңгеге қысқарды», - деді министр.
Ботагөз Айтжанова
