Алматыда ҰОС ардагерлері мен қарияларға қоғамдық көлікте тегін жүру мүмкіндігі берілді

Аталып өткендей, шаһар басшысы Бауыржан Байбектің төрағалығымен өткен қалалық маслихаттың V шақырылымының 43 сессиясында депуттар жеңілдетілген жолақысы туралы шешімді бір ауыздан мақұлдады.

Депуттартар Алматы қаласының мұқтаж жандарына қоғамдық көлікте жүруге жеңілдік беру  мәселесін қарастырып, бір ауыздан мектеп оқушыларына, техникалық және кәсіби білім беру мен жоғарғы оқу орындарының студенттеріне, зейнеткрелерге қоғамдық көлікте жүруге 50% жеңілдік беру туралы шешімді мақұлдады.

Сонымен қатар, ҰОС ардагерлері мен мүгедектеріне және жасы 75-тен асқан қарияларға электронды жол картасы бойынша қоғамдық көлікте тегін жүру мүмкіндігін беру туралы шешім қабылданды.

Осы ретте қала әкімі осындай қиын қыстау кезеңде аға ұрпаққа қолдау көрсеткен жөн деп атап өтті.

«Президентіміз Нұрсұлтан Назарбаев ардагерлерге үлкен көңіл бөліп келеді. Бүгінгі қалалық қоғамдық көліктерде жасы 75-тен астам тұлғаларға тегін жүруге мүмкіндік беру туралы шешімді халық құптайды деген ойдамын», - деді Б.Байбек.