ТМД-да ортақ электронды Қызыл кітап ашу жоспарлануда
15 Қыркүйек, 2015 13:41
Астанадағы ТМД елдерінің Мемлекетаралық экологиялық кеңесінің 2-ші отырысында ТМД-да ортақ электронды Қызыл кітаптың ашылу мәселесі талқыланды, деді ҚР Энергетика вице-министрі Ұзақбай Қарабалин.
«Біз бүгін армяндық әріптестеріміздің электронды Қызыл кітап құру таныстырылымын тамашаладық. Ол жер бетінен жойылып кету қаупі бар өсімдіктер мен жануарлар тізімін өте оңай, әрі жылдам анықтап берді. Біз бұл сапалы жұмыс екеніне көзімізді жеткіздік. Оны адамдар лезде меңгеріп алады. Оңай жұмыс істеу арқылы ақпаратты тауып алуға болады», - деді Ұ.Қарабалин.
Айта кетейік, ТМД қатысушы елдердің Мемлекетаралық экологиялық кеңесінің 3-ші отырысы Ресейде өтеді.
Анар Тәңірқұлова
