• Басты
  • ҚР ҚК ӘҚК әскери авиациясы «Жауынгерлік достастық-2015» оқу-жаттығуына дайындықты бастады (ФОТО)

ҚР ҚК ӘҚК әскери авиациясы «Жауынгерлік достастық-2015» оқу-жаттығуына дайындықты бастады (ФОТО)

15 Қыркүйек, 2015 14:47
Шымкент авиациялық базасында Жетіген елді мекенінің әуеайлағына Су-25 және МиГ-29 ұшақтарының алмасуы орындалды, деп хабарлады Қорғаныс министрлігінің баспасөз қызметі.

Алмасу мақсаты «Сарышаған» әскери полигонында өткізілетін «Жауынгерлік достастық-2015» ТМД әуе шабуылына қарсы қорғаныс біріккен жүйесі шеңберінде жауынгерлік атысы бар бірлескен оқу-жаттығуларға авиацияның қатысуы.

Су-25 және МиГ-29 ұшақтары өзінің сипаттамалары бойынша әлемдегі үздік ұшақтар қатарында тұр, ал оларды жеке алғанда баламалары жоқ.   Олардың атыс қуаты, жоғары дәл қаруды қолдану қабілеттілігі барлық өткізілетін тактикалық оқу-жаттығуларда көрсетілді.

«Оқу-жаттығу жоспарына сәйкес ӘҚК Әскери-әуе күштері әскери бөлімдерінің ұшу құрамы жерүсті және әуе нысаналары бойынша жоғары дәл қаруды қолдана отырып, практикалық оқ атуларды орындайды. Майдандық авиация зымырандарының іске қосылуы әуе атыстарының нақты белгілі бір ауданында жүргізілетін болады. Ұшқыштардың әрқайсысына шартты қарсыластың нысанасын айқындап, жою күтіп тұр», - делінген хабарламада.

 Маңдайшептік авиация күндізгі және түнгі жағдайларда әуе нысаналары бойынша жұмыс істейді. Жауынгерлік оқ атуларды ұшқыштар жеке дара және жұп құрамында орындайды. Әуе нысаналары ретінде жарқырағыш авиациялық бомбалар қолданылады. Оқу-жаттығуға жоғары білікті ұшқыштар тартылған.

Ұшуларды жалпы басшылыққа алуды Әуе қорғанысы күштері бас қолабсшысының орынбасары полковник Тұралы Қойшықұлов жүзеге асырады. Қарағанды облысында «Сарышаған» әскери полигонында «Жауынгерлік достастық-2015» ТМД әуе шабуылына қарсы қорғаныс біріккен жүйесі шеңберінде өтетін жауынгерлік атысы бар бірлескен оқу-жаттығулар қыркүйектің аяғында аяқталатынын естеріңізге сала кетейік. 

 

Барлық жаңалықтар