Қазақстанның аграрилері лизингке 1347 техника бірлігін алды

15 Қыркүйек, 2015 12:13

Қазақстан аграрилері 2015 жылы лизингке 13,3 млрд теңгенің 1347 ауыл шаруашылығы техника бірлігін алды, деді арнайы баспасөз туры барысында «Қазагроқаржы» АҚ ресми өкілі Ринат Кемешов.

«Біз «Қазагроқаржы» АҚ-ға техника алу бойынша келген өтініштер тізімін қарап шықтық. 2015 жылы астық жинау жұмыстарын жүзеге асыратын техника алуға 18 млрд теңге бөлінді. Бүгінгі таңда 25,4 млрд теңгенің 1877 техника бірлігіне өтініш қабылданды», - деді Р.Кемешов.

Осы орайда 13,3 млрд теңгенің 1347 техника бірлігіне қаржылық лизинг бекітілді.

«Бүгінде аграрилерді техникамен қамту жоспары 73 пайызға орындалды. Қарызгерлердің бөлігі 2015 жылдың басында бекітілген бағаға және 7 пайыз мемлекеттің субсидиясымен 13,4 пайыз қойылым бойынша техника сатып алады», - деді ол.

Айта кетейік, 1999 жылдан бастап 2015 жылға дейін «Қазагроқаржы» АҚ 329,8 млрд теңгеге арнайы техника мен 33 мың техника бірлігін алуды қаржыландырды. Аталмыш шара «Агробизнес-2020» бағдарламасы бойынша ауыл шаруашылығы техникасын жаңарту аясында жүзеге асырылды.

Анар Тәңірқұлова

Барлық жаңалықтар